靚姐 已回應的帖文
放心啦, 疫情一定會好快過, 而家最緊要係大家身體健康, 注意衛生…你一有時間咪同佢視像吓, 見吓面問候吓佢囉…, 講啲笑話, 關心下佢, 氹下佢開心啦.其實要感恩我哋大家每一天都齊齊整整, 健健康康, 等疫情過咗, 請佢一齊食大餐喇, 大家加油呀！
老人家要改變傳統習慣好難㗎,佢唔開心都對佢身心唔健康,想兩全其美？幫佢轉隻高級質素嘅香,比喻用薰香成份嘅檀香,沉香,艾草等等,記得要開窗喎,空氣流通好緊要㗎,加油！
食物均衡已經夠營養㗎啦, 總之種類要多樣花, 全穀雜量為主食, 配埋豆類食用總好, 記住要經常變化烹調用油, 每日至少食一份堅果種子類, 同埋一份深色蔬菜, 並且要食用各種菇類和藻類, 加埋當季水果同正餐食用咁就正啦. 唔好唔記得要曬下太陽呀, 20分鐘就夠….你都要放鬆啲, 奶奶好快好番㗎啦
好簡單啫,同佢一齊做運動囉,一日30分鐘就夠啦,做啲簡單伸展運動,做得好讚吓佢,下次記得同佢講….精神好咗喎,又型仔靚女咗, Keep住鼓勵佢呀
唔鍾意飲奶？, 無問題,食豆類嘅魚類制（少經油炸製成）,或者深綠色蔬菜（採用白灼唔該）,果仁（要天然無加鹽或糖）嗰隻, 咁都可以確保每日都可攝取足夠嘅鈣質㗎….總要做吓恆常運動,尤其係負重嗰隻啦(太極,急步行,緩步跑,跳舞等等）, 適量曬下太陽都係一个好好嘅選擇嚟㗎,吸收鈣質好幫手.
唔係好健康嘅生活習慣最好戒咗去啦,吸煙,酗酒, 偏食或節食就諗吓好啦,唔好飲咁多啡或濃茶, 過量攝取太多鹽粉都唔好
出面而家有種好恐怖嘅細菌,專攻老人家,所以最好為安全起建,就係留係屋企,唔好出去四團走.一坦被細菌敵人入侵,就會走尾長,隨時病入高峰.
如果唔係同住,照料者請一日最少三個電話同老友記傾偈…如同住,唔該抽時間盡量陪佢,有嘢買盡量上網買啦,或一次過買嚟做署備…陪吓老友記做佢會鍾意嘅嘢,珍惜而家可以共處嘅好時光,加油！