睇完大家既提議都覺得好有用啊！
咁我就補充少少資訊啦。
素食者有幾種營養的確係會易啲忽略左：維他命B12和鈣質。
身體缺乏維他命B12可能會出現記憶退化同貧血等問題。不過你奶奶食蛋奶素，可以透過飲奶同食蛋補充維他命B12。但如果其他素食者唔食蛋奶素，可以選擇市面上一些早餐穀物補充一下維他命B12，仲可以參考埋營養標籤！
而身體如果缺乏鈣質，就有可能出現骨質疏鬆既問題，唔理既話更會有可能骨折！雖然你奶奶會飲奶，但都可以透過食硬豆腐同深綠色蔬菜，補充鈣質。
其實好多人都覺得食素會營養唔均衡，但係只要食得多種顏色既食物，就可以好健康啦！