我地一齊住咗咁多年，佢由上個月開始有呢個問題。有2-3次都係唔記得去小便⋯整濕條褲，見到佢好唔開心咁樣，我都唔好意思問多幾句或者話佢。如果帶佢去睇醫生，有無話睇咩科好？
這情况可能有幾種身體健康問題，⑴可能已有認知障礙，特別對排尿的意識已感應不到。⑵婆婆的括約肌因年纪太大或受以前生育兒女的影響，因而太鬆弛而不能控制令尿液隨時排出。⑶尿道或膀胱發炎而尿頻至難以白制。
可先帶婆婆去看相熟的家庭醫生，做尿液種菌檢查看有無發炎，再看必尿科醫生檢測排尿系統，再加上找老人科或精神科醫生做認知障礙檢測，希望儘快找出原因。但當務之急，先替婆婆穿著尿片頂檔吧。
長者因年邁機能衰退，部份會出現＂失禁＂情形，首先了解、安慰，再帶同面見醫生診療，配合片衭或尿片幫助，可解決尷尬情形發生，舒緩心理壓力，對照顧者及及長者均正面處理。
如果婆婆聽你講，肯去睇醫生係最好，因為有時老人家會覺得尷尬，唔肯去睇醫生。
如果日間會有時間一齊相處，可以試下幫婆婆建立定時上厠所嘅習慣，例如見佢食左早餐飲左水，隔15分鐘問下佢要唔要上厠所，同佢出街前又提醒下，見佢飲左水，又提下，開始之初，可能有需要扮自己都有上厠所嘅需要，順便問下婆婆，咁老人家覺得人人都有呢個需要上厠所，係好普通嘅事，唔係因為佢做唔到先提佢，可能會少左尷尬。慢慢試下，或者會有幫助減少整濕條褲嘅情況。
有時帶老人家睇醫生喺後生睇嚟係治本嘅方法，反而有時老人家首先係期望感受到被接納和包容，然後再一齊共同尋求解決方法。
阿婆一向無乜毛病，近期多咗小便失禁嘅問題
這個問題，一般長者都處之泰然。例如，某日多吃了一些蔬菜便覺得要多去小便。亦有些覺得只是身體感敏
無乜問題。如果要求她去見醫生，她會不經意地回答：天生天養；生死有命，不會有問題的。
我家大bb(外婆）近年都有咁嘅狀況同越來越控制唔到… 早期80%時間用普通底褲, 到近期80%用紙褲仔 (無錯我地會講係“紙底褲”唔係尿片… ) 工人姐姐會觀察住婆婆有幾多日冇便便 （一般3-4日）, 跟住大概就知道跟住嗰幾日我哋要婆婆小心飲食, 唔可以食太油和太多肉, otherwise 大家都會suffer…
早排日間中心嘅姑娘都有教定時定候要提醒/鼓勵婆婆去廁所, 冇錯老人家都要做toilet training, 咁就可以減少失禁&換褲仔嘅次數…
同埋可以留意有冇一啲食開嘅藥會有肚瀉嘅副作用, 例如痛風藥… 早排大bb腳痛, 姐姐畀咗啲痛風藥佢食, 點知喺24小時內佢換褲仔換咗19次, 褲仔錢事小, 心痛佢要不停去廁所屙到佢腳仔軟, 啱啱清理完轉個頭又屙… 🤢