其實唔知關唔關呢個討論區事，但我好想吐下苦水⋯⋯
屋企人有燒香習慣好多年，我早排見到呢度有新聞講燒香可能會增加認知障礙症風險，我同返屋企人講叫佢唔好再燒啦，點知佢話唔燒香俾祖先係不孝，仲話我咁樣係無情無義😭
其實我只係擔心佢咋嘛，而家我都費事再提，但諗深一層，日日咁聞香又好似對人唔係咁好，我都唔知點算好
購買品質優良的產品最為要緊，因為在燃點時會產生不能控制＂毒素＂直接影響我們的健康，尤其一些標榜採用＂化學方法＂衍生的產品！對於民間的習俗，需慢慢引導轉化，將矛盾減低，可從購買優質的開始，長短尺寸亦直接關係燃點時間。
燒香敬神敬祖先是我國傳統習慣，很難改正。現在有用化學香料制造香枝，燃燒起來不但會削弱認知能力，還會損害呼吸系統，檀香可安神，防病，治病，因此要選購純淨檀香。
習慣係已經係老人家恆常動作，所以要改變他們的確要花点功夫。除了從品質入手，也可以考慮科技，例如電子香。另外大家也可以供奉到窗外，使空氣免受汚染。
其實要改變一個人既有嘅觀念與習慣亦相當困難，但作為一個照顧者是要有無比嘅忍耐，細心嘅聆聽同埋解釋，講述個中危害關係不只是個人而是能影響全家人。 與此同時亦可引導長者認識一些電子替代產品。加上家人齊心分擔解釋角式，久而久之他/她一定被打動。大家努力堅持但緊記態度不要太強硬，否則弄巧反拙。
老人家要改變傳統習慣好難㗎,佢唔開心都對佢身心唔健康,想兩全其美？幫佢轉隻高級質素嘅香,比喻用薰香成份嘅檀香,沉香,艾草等等,記得要開窗喎,空氣流通好緊要㗎,加油！
一般坊間售賣的香都含有化學物質令燃燒時只會產生微煙或散發香味，又會添加色素，燃燒時釋放的煙霧對人的健康有很大影響。針對這方面，可購買一些不含色素和化學成份的線香，志蓮靜院，漢礼和温暖人間也有賣的。以我母親為例，她幾十年每天早晚都燒頗多香，我向她解釋正信佛教道場和寺廟是不會點很的香的，慢慢她接受了，每天在祖先只是供花，供果，供水。又買了幾個用電池發光的香連座，這就每日24小時也有香上供了。那些天然成份的線香只在初一，十五，和過年過節或佛誕才每個神位點一支，這就解决了家中點香引起峑氣污染和與其他有別的宗教信仰的姊妹的矛盾了。
其實長者上香的習慣係老難叫佢地唔好上香的，這行為代表他們的孝心，尊重，的心態，只好買D質數好D的香比佢地用，点香時盡量開窗，開大門，領空氣流通，而我本人亦有点香的習慣。
唔好唔開心啦！明白你嘅難受，但係，其實我哋有時係咪都要諗下我哋嘅關心係咪過份咗少少，變成傷害同專制呢？ 你想佢哋唔燒香，咁你有冇比其他代替品佢哋呢？ 等如你唔贊成你老闆嘅工作意見，都唔會淨係講“反對”， 而你係會講理由同建議， 比多個選擇佢， 係咪？ 同時， 你可能要慢慢講清楚點解想佢哋唔好燒香，係真係為佢哋好！ 愛同關心係要講出口！總有一日，佢哋係會收到㗎！ 😘