收工番去見到姐姐眼濕濕咁當然問下佢咩事啦，
我媽呢排都幾成日發佢脾氣。
本身我都以為姐姐做得唔夠好所以被人話⋯⋯
點知問多幾句，係因為姐姐執我媽間房執得太乾淨？
同埋執得乾淨，而並唔係掉咗佢d嘢wor…姐姐話一件都無掉過⋯⋯
同我媽講解番件事，佢又唔聽人講⋯⋯係都要話姐姐唔應該幫佢執房，
但姐姐呢幾年都有幫佢執開房⋯⋯
到底係咪老人家愈上年紀愈固執ga呢?
哈哈，因為佢老人家的＂地盤＂俾個唔知乜人，或者是賊入咗黎，唔見咗好多野，快的同我揾翻。
媽媽每日見到我都是投訴，因為唔記得原本的物品放係邊，又見到姐姐拖地，估吓一定係情形發生。只能安撫下再轉移話題，傾吓聽吓講吓，好快就過場啦😊😊
工人雖然係收薪，但是大家同一屋簷下，我們的起居飲食都要她的配合，所以溝通最重要。她必須清楚明白僱主的需要和狀況，否則雞同鴨講，只會令大家產生誤解，甚至互相不適應。開心見誠傾多D了!
基本上，在自然界，動物都各有自己領地，人類更加覺得應擁有自己私人空間，所以好多人都不喜歡別人執拾或移動自己放置好的東西，家中或辦公室亦如是，因為習慣了物件的放置位置，而找甚麽也很容易信手拿來，毋須慢慢去記憶。而以例如媽媽等長者因記憶力已沒有那麽靈活，對別人私下替他們清潔執拾好私人起居房間反應更甚。感到不被尊重。
做女女的了解狀况後，惟有先開解她，解釋家人和姐姐也是因為保障她的健康尤其是她的生命才這麽勤力去替她清潔執拾住房，另外亦鼓勵她和姐姐一起執拾清潔，提點姐姐她私人物件在潔淨後的放置位置，一起参與，抇互資詢，讓她感到在家中所擁有的尊重，和地位。
老人家年紀大左真係有機會比較固執，可能唔係太想有改變，又或者唔係好知點面對改變，所以如果未得到佢老人家同意走去幫佢收拾房間，好多時得到嘅都唔會係讚賞，反而俾佢鬧仲乜搞佢嘅嘢。
凡事多溝通總係會幫助，可以試下叫姐姐幫婆婆執房前先通知婆婆，睇下嗰日婆婆想唔想姐姐幫手執，如果婆婆嗰日唔想有人郁動佢嘅嘢咁咪唔執住，另一日再試問下，總有一日婆婆會覺得要執，姐姐俾人鬧嘅機會少左。或者可以試下定好每星期指定日子姐姐就會執房，睇下有無幫助。
阿媽呢排日日都鬧工人姐姐，因為幫佢執房？！
一般人欲想請工人姐姐打理或幫助家務, 首先容許或接受一個陌生人在家內生活, 否則以上問題會隋時發生.
首先你沒有解釋給工人姐姐詳細工作的程序安排, 以上情况定會出現. 欲想事件好, 一定要趁早!